Нова „функција“ на Windows 11 беше откриена од „инсајдер“ кој сподели скриншот од реклама што се појавила во File Explorer.
Microsoft започна со тестирање на промоции за некои од своите други производи во апликацијата File Explorer, на уреди што ја користат најновата верзија на Windows 11 Insider.
Windows Insider е програма за тестирање софтвер со отворен код на Microsoft која им овозможува на корисниците со валидна лиценца за Windows 11, Windows 10 или Windows Server да се регистрираат и да тестираат верзии на Windows кои сè уште не се достапни за пошироката јавност. Ова претходно беше достапно само за програмери кои работеа на тој софтвер.
Еден од овие „инсајдери“ ја открил новата „функција“ на Windows 11 и сподели скриншот од реклама што се појавила во File Explorer.
Ова не е прв пат Microsoft да додава промотивни пораки во File Explorer, бидејќи во 2016 година тие прикажуваа реклами на OneDrive во File Explorer.
Сепак, технолошкиот гигант не застана со File Explorer и тестираше реклами кои ги форсираа нивните бесплатни Office веб-апликации во менито Windows 10 Wordpad пред две години. А таа кампања наиде на протести од корисниците.
Во секој случај, се чини дека тие повторно работат на додавање реклами за нивните производи секаде каде што ќе им се укаже прилика. Иако корисниците постојано се незадоволни од ова, се чини дека Microsoft не сака да се откаже од идејата.
