Минатата недела намален број починати и новозаболени од COVID-19, но дневно сè уште високи бројки

За 10,7 отсто е намален бројот на починати од COVID-19, а за 4,2 отсто е намален бројот на новозаразени, покажуваат податоците од неделниот извештај на Институтот за јавно здравје за периодот од 30 ноември до 6 декември од тестирани 17.456 материјали во лабораториите.

Според вчерашниот извештај на Министерството за здравство за изминати 24 часа, регистрирани се нови 1120 случаи со COVID-19, починати се 28 пациенти, а оздравени се 916. Најголем број од новозаболените, починатите и од оздравените се од Скопје.

Вкупниот број пациенти позитивни и суспектни на коронавирусот кои се лекуваат на инфективните оддели во болниците низ земјава е 1.296 и има околу 160 празни болнички кревети во ковид – центрите, информира Министерството за здравство.

Вкупниот број Ковид дијагностицирани во земјава од почетокот на епидемијата изнесува 69.452, бројката на оздравени пациенти е 45.621, на починати е 1.977, а бројот на активни случаи изнесува 21.854.

Министерот за здравство Венко Филипче вчера информираше дека компанијата Pfizer, која произведува вакцина за COVID-19, одговорила на дописот на Министерството за здравство дека може да отпочнат директни преговори за набавка на вакцина од компанијата производител.

Филипче рече дека нашата земја освен набавка на вакцини преку Ковакс механизмот, стапи и во директна комуникација со Pfizer и AstraZeneca за набавка на дополнителна доза вакцини за вакцинација и ревакцинација на граѓаните.

– Оваа недела очекуваме одговор и од AstraZeneca, што ќе значи дека преку овој механизам со директна комуникација со комапаниите производители ќе преговараме за да обезбедиме дополнителна количина на вакцини. Третиот механизам, е преку земјите членки од ЕУ, заради тоа што во нивните договори освен за нивните граѓани, имаат една количина која е наменета за останатите земји кои не се членки на ЕУ, посочи Филипче и додаде дека ќе се вакцинира.

– Верувам во вакцината, таа е безбедна, ние го следевме процесот на развој и сите фази од клиничките студии. Вакцината ќе ја промени сликата со пандемијата, ќе го подигне имунитетот на населението насекаде во светот, а животот ќе се врати во нормала. Искрено верувам дека следната есен, следната Нова година нема да има потреба за мерки никаде во светот, нема да има рестрикции и дека ќе им се вратиме на нашите животи такви какви што беа пред COVID-19, рече Филипче.

Тој смета дека полициски час нема да има ефект за време на новогодишните празници и апелираше да се почитуваат мерките. Најави дека ќе дискутираат за евентуална дополнителна рестрикција во однос на работното време на места каде што може да се собираат луѓе.

-Мислам дека полициски час нема да има ефект за време на новогодишните празници. Зошто? Заради тоа што веќе имаме така добро димензионирани мерки, доколку се почитуваат даваат резултати и тоа впрочем се случува. Ние гледаме намалување на факторот на преносливост, на бројот на болниците во однос на тоа што беше на почетокот и првата половина на ноември. Но, евентуална дополнителна рестрикција во однос на работното време на места каде што може да се собираат луѓе тоа е тоа за што ќе дискутираме, рече Филипче во телевизиско гостување.

Прашан за лекувањето, министерот Филипче посочи дека имало претпоставка оти многу лекови помагаат за оваа болест.

-Многу лекови беше претпоставка дека помагаат за оваа болест. Прво, многу е битно да се знае дека нема еден специфичен лек којшто помага само за овој тип на коронавирус, односно за COVID-19 и сè што значи лекување е практично комбинација на лекови коишто биле креирани за други болести, на пример за ебола тој лек итн., а коишто се даваат врз основа на клиничката слика, односно манифестацијата на болеста. Осумдесет отсто од пациентите имаат лесна клиничка слика, меѓутоа тие што имаат комплицирана имаат навистина тип на клиничка слика или комбинација на презентација од страна на повеќе органски системи каде што досега не се видело. И во таа смисла јасно е како се одредуваат, кои се постапките како еден лек се утврдува дека е за една болест, клинички студии итн, потенцира Филипче.

Според него, тешко е да се каже што може да очекуваме во периодот којшто е пред нас. Потсети на првичните предвидувања дека ќе трае колку една респираторна епидемија, па дека ќе го снема вирусот за време на летните месеци и додаде оти тоа не се оствари.

Филипче нагласи дека задача и цел на сите здравствени системи, како и на нашиот, е да бидат подготвени да пречекаат голем број на пациенти со COVID-19, за да може да се хоспитализираат. 

– Се реорганизиравме целосно да обезбедиме болнички кревети, кадар со соодветна експертиза, да има доволно лекови и ние тоа го правиме, рече Филипче.

Посочи дека слободни кревети има во секој момент.

– Апсолутно за секој пациент на кој му е потребна хоспитализација има слободно место. Но, точно е дека видовме одреден број на пациенти кои доцна доаѓаат во болница. Имавме случаи во кои имале јасни предупредувања и индикација од матичните лекари дека е потребна хоспитализација, едноставно не доаѓаат луѓето на прием во болница. Понатаму, луѓе кои дури доцна доаѓаат и кај матичниот лекар, со сатурација на кислород од 20 до 30, а нормално треба да е над 96-97 на првиот ден, рече Филипче и додаде дека сè уште има луѓе кои не веруваат во постоењето на вирусот.

реклама

Чест симптом за рак на дебелото црево се забележува при вршењето нужда

Read more

Голем хороскоп за МАЈ 2024: Еден знак остварува долгогодишен сон

Read more

Албанката Ева Мурати ја сметаат за најубава водителка на Лигата на шампионите

Read more

Знаци кои покажуваат дека страдате од недостаток на калциум

Read more

Македонија

Посебен режим на сообраќај во Скопје в сабота

Read more

Македонија најдобро рангирана меѓу државите од регионот според Индексот за слобода на медиумите

Read more

МТВ го демантира Пендаровски за дуелот со Силјановска Давкова

Read more

Променливо облачно и нестабилно со пороен дожд и грмежи

Read more
 

Вести

Возач удри во електричен тротинет, тешко повреден малолетник

Читај повеќе

Посебен режим на сообраќај во Скопје в сабота

Читај повеќе
  • play_arrow

Една година од масакрот во „Рибникар“ во Белград, беа убиени девет ученици и чувар

Читај повеќе

Македонија најдобро рангирана меѓу државите од регионот според Индексот за слобода на медиумите

Читај повеќе

Ни европската десница не ја сака eкстремистичката AfD

Читај повеќе
  • play_arrow

Прв тест на американскиот футуристички подводен дрон

Читај повеќе

Борис Џонсон прекрши правило за гласање што тој го воведе

Читај повеќе

МТВ го демантира Пендаровски за дуелот со Силјановска Давкова

Читај повеќе

Градежните компании немаат доволно работници, ниту повисоките плати не помагаат

Читај повеќе