Хакерска група донира украдени пари во хуманитарни организации, со цел да го направат светот подобро место за живеење, пренесе BBC.
Darkside хакерите тврдат дека изнудиле милиони долари од компании, но со украдените пари сакаат да го направат светот „подобро место за живеење“. На нивниот блог тврдат дека со нивните ransomware напади за цел имаат само големи и профитабилни компании кои плаќаат откупнина за да се извлечат од нападите.
Во таа објава на dark web, хакерите приложија Bitcoin сметки на кои донирале пари за две добротворни организации, The Water Project и Children International.
Од организацијата Children International изјавија дека нема да ги задржат парите.
„Мислиме дека е фер дел од парите да одат во добротворни цели. Без разлика на тоа колку и да мислите дека правиме лошо, нам ни е драго да знаеме дека некому сме му помогнале“, напишале хакерите во објава на блог на 13 октомври.
Не се сите одушевени од идејата на овие хакери. Експертот за сајбер безбедност Брет Калоу вели дека не е јасно што се надеваат криминалците дека ќе постигнат со донирање, тој смета дека тоа им помага да го ублажат чувството поради тоа што го прават. Покрај тоа, тој смета дека постои можност ваквиот потег да е од егоистична природа, односно дека сакаат себеси да се претстават како модерен Робин Худ на 21 век.
Darkside е релативно нова хакерска група, на пазарат на криптовалути потврдуваат дека активно изнудуваат средства од жртвите, а постојат и докази за потенцијални врски со други сајбер криминални групи.
