Министерството за внатрешни работи објави дека во изминатото деноноќие биле санкционирани 475 прекршители на мерката за заштита од ширењето на коронавирусот.
Несовесните граѓани биле затекнати ширум републикава како неодговорно се однесуваат и притоа биле регистрирани од страна на полициските службеници.
„Во текот на изминатото деноноќие (28/29.06.2020 година) на територијата на Република Северна Македонија по однос на мерката за неносење лична заштита на лице регистрирани се 475 прекршоци. Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со COVID-19“, велат од МВР.
