Според мислењето на некои експерти, психолози и терапевти, главната причината поради која изневеруваат жените е тоа што нивните емоционални потреби не се задоволени.
„Емоционалната приврзаност е основа за задоволство во секоја врска. Жените копнеат по внимание, поддршка, љубов и грижа. Кога тие потреби се незадоволени, се чувствуваат фрустрирано и изнервирано“, вели Леа Мекмахон, професор по психологија. Таа објаснува дека тоа е така затоа што жените имаат тенденција да придаваат поголема вредност на овој аспект од врската.
„Мажите често се откажуваат од проблеми како што се недостиг на емоционална приврзаност и недостиг на комуникација, додека најмногу се фокусираат на физичките потреби“, додава психологот.
Студија објавена во 2017 година во Journal of Sexual Research ги истражува причините за неверство, а во неа учествувале 495 учесници кои ги изневериле своите партнери.
Со анализа на нивните одговори се пронајдени осум примарни причини: лутина, самопочитување, ниска посветеност, пијанство, занемарување, сексуална желба, потреба за сексуална разноликост и недостиг на љубов во примарниот однос.
Истражувањето покажа дека жените во просек имаат подолги врски од мажите. Исто така, поверојатно ќе признаат дека имале афера. Но, ако постои проблем со емотивна поврзаност или друго во врската, за која се плашите дека може да доведе до неверство, најважно е да разговарате со партнерот.