Филмските критичари Николас Барбер и Карин Џејмс за BBC ги одбраа десетте најдобри филмови во 2020 година. Меѓу нив се „Da 5 Bloods“, „The Personal History of David Copperfield“ и „Never Rarely Sometimes Always“.
Во филмот „Da 5 Bloods“ четворица ветерани се борат против луѓето и природата кога ќе се вратат во Виетнам барајќи ги остатоците од нивниот загинат водач, како и златното богатство кое го сокриле. Филмот е во режија на Спајк Ли, а во главните улоги се појавуваат Чедвик Босман, Жан Рено, Пол Волтер Хаусер и други.
Во „The Personal History of David Copperfield“ модерно е прикажан главниот лик на Чарлс Дикенс, Дејвид Коперфилд кој се движи низ хаотичниот свет за да го пронајде своето место во него.
Филмот е во режија на Армандо Ланучи, а во главните улоги се појавуваат Дев Пател, Тилда Свинтон, Хју Лори, Бен Вајшоу, Гвендолин Кристи и други.
„Never Rarely Sometimes Always“ е драма која го следи животот на 17-годишна девојка која одлучува да прекине непланирана бременост. Во малиот град во Пенсилванија абортусот е забранет. Сепак, таа одлучува да оди во Њујорк и таму да абортира, бидејќи не ѝ„ е потребна дозвола од родителите.
На листата најдобри филмови е и хоророт „The Hunt“ на режисерот Крег Зобел и филмот „Bacurau“. Во препораката на филмските критичари се и следните филмови: „The Assistant“, „Emma“, „The Vast of Night“, „The Painter and the Thief“ и „True History of the Kelly Gang“.
