Британски The Post Office веќе 16 години по ред составува листа на европски градови кои нудат најдобра вредност за парите.
Деновиве е објавена нова листа за 2023 година, која споредува 35 европски градови и открива кои се најисплатливите европски дестинации.
Годинава тоа е португалската метропола Лисабон.
Тимот на The Post Office ја пресметува и споредува просечната цена на викенд престој во градот за две ноќевања во хотели со три ѕвезди. На тоа додадете ја цената на некои врвни туристички атракции, разгледување со туристички автобус, цената на јавниот превоз и храната и пијалаците.
Лисабон е вистинското место ова лето доколку сакате да поминете неверојатен мини одмор или продолжен викенд во град без да потрошите многу пари.
Ова место за одмор се најде на врвот на листата на најевтините градски одмори во Европа, што е поттик за туристите, кои веќе доаѓаат во Лисабон за неговиот светски познат ноќен живот, прекрасните плажи и вкусната храна.
Од туристичка перспектива, цените во португалската престолнина во голема мера не се засегнати од инфлацијата и кризата на трошоците за живот, кои се зголемени за само 2% во споредба со минатото лето.
Две ноќевања во хотел со три ѕвезди во просек изнесуваат околу 140 евра, што е само 5% повисоко од 2022 година, во споредба со зголемувањето на цената од над 3% во секој друг анкетиран град. Всушност, цените во Лисабон беа помалку од една третина од оние во најскапите европски градови како Венеција и Амстердам.
Лисабон е одлично место за посета од повеќе причини. Градот е лоциран на нерамен пејзаж на западниот брег на земјата, обезбедувајќи многу разновидни и одлични погледи. Се вели дека е еден од најстарите градови во светот, а според легендата, го основал Улис при неговото враќање од Тројанската војна.
Титулата за најскап град во Европа ја понесе Амстердам каде за викенд треба да се издвојат 835 евра, а меѓу најскапите се Париз, Венеција, Женева, Белфаст и Лондон. Дубровник во Хрватска го зазеде првото место на листата на градови со најскапи билети за културно-историски знаменитости.
Листа на најисплатливи европски градови во 2023 година, почнувајќи од најевтините:
Лисабон (Португалија)
Вилнус (Литванија)
Краков (Полска)
Атина (Грција)
Рига (Латвија)
Порто (Португалија)
Загреб (Хрватска)
Будимпешта (Унгарија)
Варшава (Полска)
Лил (Франција)
