Цинкот има важна улога за нашиот организам – го зајакнува имунитетот, но и помага во создавање на мирис и вкус. Спречува појава на алергии, ја намалува депресијата, има антивирусно и антибактериско дејство.
Тој е присутен во сите органи, а најмногу се содржи во еритроцитите(црвените крвни зрнца), коските, мускулите, црниот дроб и во простатата, кај мажите. Цинкот помага во производство на тестостерон.
Во комбинација со витамин Б го намалува производството на хистамин, што значи дека помага при алергии. Од цинкот зависат и некои од основните функции на телото, како што е зацелување на рани. Учествува и во разградување на алкохолот.
Храната богата со цинк го чува здравјето на нервниот систем. Овој минерал е важен за создавање на резерви на инсулин и ја поттикнува неговата функција.
Потребно е секојдневно да го внесувате цинкот преку исхраната бидејќи за разлика од некои други материи, телото не може да складира цинк. Човечкиот организам содржи околу 2-3 г цинк, а препорачаната доза за жените е 8 мг дневно. Кај бремените жени овој број се зголемува на 11 мг, а кај доилките 12 мг. Внесот на цинк за време на бременоста влијае позитивно на здравјето на мозокот на бебето.
Вегетаријанците треба да внимаваат на внесот на цинк, тие треба да земаат повеќе од 50% од препорачаниот дневен внес на цинк од храната.
Имунитетот го ослабнуваат и пушењето, хроничните болести, физички и психички стрес, неправилна исхрана, недоволна физичка активност.
Јајца
Соја
Пивски квасец
Млечни производи – сирење, млеко и јогурт
Житарки
Школки, ракчиња, туна
Месни производи- пилешко, мисиркино, свинско и јагнешко месо
Семки – тиква, лубеница, сончоглед, чиа
Јаткасти плодови – кикирики, бадеми, ореви
Зеленчук – краставица, марула, маслинки, кромид, грашок, спанаќ, домат
Овошје – авокадо, банана, киви, јагода, праска
Какао.
