Научници открија нови податоци кои би можеле да објаснат зошто мажите обично не живеат толку долго како жените. Истражувањата сугерираат дека тоа е поврзано со губење на хромозом, што може да предизвика лузни на срцевиот мускул и да доведе до смртоносно затајување на срцето.
Се проценува дека 40 проценти од 70-годишниците страдаат од губење на Y хромозом, но би можеле да имаат корист од постоечки лек чија цел се опасните лузни на ткива.
Хромозомите доаѓаат во парови, жените имаат два X хромозома, додека мажите имаат X и Y хромозоми.
Професорот Кенет Волш од Универзитетот во Вирџинија вели:
„Особено по шеесеттата година, мажите умираат побрзо од жените. Како биолошки побрзо да стареат. Ова ново истражување дава ознаки зошто мажите имаат пократок животен век од жените“.
Многу мажи почнуваат да го губат својот Y хромозом во делот на клетката како што стареат, нешто што особено е вистинито за пушачите. Научниците претходно открија дека мажите кои страдаат од губење на Y хромозом имаат поголема веројатност да починат на млада возраст и да страдаат од болести поврзани со стареење како Алцхајмер.
Ова ново истражување е првиот цврст доказ дека губењето хромозом директно предизвикува штетни последници по здравјето на мажите.
Резултатите се објавено во списанието Science.