Рецепт за вкусни и сочни мафини со морков и ананас совршени за целото семејство. Ако немате калапи за мафини, смесата може да ја распоредите во еден калап и да добиете вкусен колач.
Потребни состојки:
-100 г ореви
-100 г ананас
-готова смеса за мафини (250 г па нагоре)
-една лажичка цимет
-60 г кокосово брашно
-2 јајца
-една банана
-200 г јогурт
-кора од лимон
-2 до 3 лажички крупно сечкани ореви
Начин на подготовка:
Загрејте ја рерната на 200 степени Целзиусови. Морковот изрендајте го, ананасот исечете го на коцки, а оревите исечкајте ги.
Смесата за мафини ставете ја во сад, додадете кокосово брашно и цимет, па измешајте. Потоа додадете ги јајцата, бананата претходно изгмечена со виљушка, морковите, ананасот, оревите и јогуртот.
Сето заедно мешајте го со миксер две минути додека не добиете глатко тесто. Смесата распоредете ја во калапи за мафини. Посипете со изрендана кора од лимон и сечкани ореви.
Намалете ја температурата на рерната на 180 степени и печете околу 25 минути.
