Кога бездомникот Жоао Коелјо Гимараинш од Бразил одбил да добие храна и наместо тоа побарал брич за да се избичи, не претпоставувал дека тоа ќе биде моментот што ќе му го смени животот.
Алесандро Лобо, сопственик на берберница и продавница за машка облека, наместо тоа му овозможи вистинска трансформација. Неговите вработени му ги скратија брадата и мустаќите на Жоао, му ја потсрижаа косата, а потоа бездомникот добил и нова облека и обувки.
„Сакавме да му помогнеме, бидејќи беше очигледно дека навистина му треба. Станавме пријатели со него во изминатите два месеци, и кога ни побара брич, решивме наместо тоа да му дадеме целисен третман. Трансформацијата траеше два часа и тимот волонтираше да му помогне, па секој направи по нешто за да се постигне овој резултат на крај“, изјави Лобо за Bored Panda.
Лобо објави фотографии и снимки од трансформацијата на социјалните мрежи за да ги охрабри другите да им помагаат на оние кои „претрпеле удари од животот“, а потоа се случи нешто неверојатно.
Објавата почна масовно да се споделува и стана вирална, а семејството на Жоао беше меѓу илјадниците кои го видоа видеото со неговата трансформација.
Мајката и сестрата на 45-годишниот Жоао го препознале и биле во шок – мислеле дека е мртов бидејќи немале контакт со него повеќе од 10 години.
Тие веднаш стапиле во контакт со Лобо, кој ги обединил со изгубениот брат и син. Сепак, Жоао е сè уште на улица.
„Сестра му сакаше да го однесе дома, но тој не сакаше. Рече дека се чувствува слободен на улица и не сака да има дом“, рече Лобо.
