Северноамериканската НБА лига понуди уште една возбудлива ноќ, а српскиот кошаркар Никола Јокиќ повторно блескаше, водејќи го Денвер до победа.
Нагетс ги победија Њу Орлеанс Пеликанс со 134:116, а Јокиќ мечот го заврши со 35 поени, 14 скока и 12 асистенции.
Јокиќ со новиот трипл-дабл учинок ги надмина легендарните Леброн Џејмс и Џејсон Кид по бројот на трипл-дабл во кариерата. Србинот има 108, а споменатото дуо по 107.
Јокиќ сега е четврти на вечната листа по бројот на вакви настапи. Рекордер е Расел Вестбрук (198), а пред Јокиќ се Оскар Робертсон (181) и Меџик Џонсон (138).
Брутална партија синоќа имаше и Џоел Ембиид, центарот на Филаделфија 76ерс, кој постигна 48 поени против Вашингтон Визардс и го предводеше својот тим до победа од 146:128.
Џејмс Харден дебитираше за Лос Анџелес Клиперс, кој постигна 17 поени во поразот од Њујорк Никс со 97:111.
Интересно беше во пресметката помеѓу Милвоки и Бруклин, а Бакс победија со 129:125 на крилата на Јанис Адетокунбо. Гркот постигна 36 поени и забележа 12 скока.
Детроит - Голден Стејт 109:120
Индијана - Сан Антонио 152:111
Орландо - Далас 102:117
Филаделфија - Вашингтон 146:128
Бруклин - Милвоки 125:129
Мајами - ЛА Лејкерс 108:107
Њујорк Никс - ЛА Клиперс 111:97
Чикаго - Јута 130:113
Хјустон - Сакраменто 122:97
Минесота - Бостон 114:109
Оклахома - Атланта 126:117
Денвер - Њу Орлеанс 134:116.