Се чини дека Никол Кидман повторно направила естетски зафати на лицето, а новите фотографии од сетот на серијата „Lioness“ привлекоа внимание токму поради нејзиното искривено и „замрзнато“ лице.
Никол Кидман на Мајорка ја снима новата серија на продуцентската куќа Paramount која ќе се вика „Lioness“, а објавени се и првите фотографии од сетот.
Кидман глуми висок надзорник на ЦИА, а најголемо внимание привлече нејзиниот изглед кога се појави на снимањето. Актерката повторно го покажа презатегнатото и отечено лице, откако претходно беше критикувана за претерано „затегнување“ и „разубавување“.
Нејзиното прилично искривено лице во споредба со претходно изгледаше разобличено и фановите изразија загриженост за изгледот на актерката која претходно изјави дека не правела пластични операции, но призна дека пробала ботокс.
„Пробав многу работи, но освен спортот и добрата исхрана, повеќето работи не прават разлика. Пробав дури и ботокс, но не ми се допадна како ми изгледаше лицето потоа. Сега веќе не го користам и повторно можам да го движам челото“, рече тогаш актерката.
Нејзините обожаватели не се премногу задоволни од овие козметички зафати, со оглед на тоа дека Кидман е позната по својата природна убавина и порцеланскиот тен.
Покрај Кидман, и Морган Фримен се приклучи на актерската екипа на серијата „Lioness“, заедно со Зои Салдана, според Deadline.
Оскаровецот (85) ќе го игра американскиот државен секретар Едвин Малин во политичкиот трилер за млад маринец регрутиран од ЦИА да се спријатели со ќерката на терорист. Идејата зад операцијата е да се урне организацијата одвнатре.
