Нов опасен предизвик станува тренд на друштвената мрежа TikTok, a го почнаа младите во Шпанија.
Во предизвикот во кој најчесто учествуваат малолетници, пресретнуваат луѓе на улица и им го поставуваат прашањето „Дали ме познаваш?”, по што почнуваат со удирање и шутирање на минувачите.
Полицијата во Мадрид соопшти дека работи на идентификување на сите кои учествувале во предизвикот, а родителите во Шпанија се во страв од агресивни напади на нивните деца кои би можеле да бидат пресретнати на улица како жртви во предизвикот.
Истрагата започнала во април кога малолетничка нападнала четири девојчиња на слична возраст. На сите четири им приоѓала со прашањето „Дали ме познаваш?”, по што жртвите застанувале, а по нивниот одговор следела агресија со удари по телото.
Целта било ваквите напади да се снимат и да се објават на друштвената мрежа TikTok, а предизвикот се состоел во тоа да се најдат и нападнат што поголем број жртви.
