Пожар денеска изби во центарот на Бејрут, во близина на пристаништето каде на 4 август се случи експлозија во која загинаа речиси 200 луѓе, а повредени беа илјадници.
Причината за пожарот сè уште не е позната.
Пожарот изби во зградата проектирана од познатата архитектка Заха Хадид.
Нема повредени лица во пожарот и отворена е истрага.
Бејрут и понатаму закрепнува од минатомесечната катастрофална експлозија на складиште со амониум нитрат, во која животот го загубија 192 луѓе.
Пред неколку дена во центарот на градот на самото пристаниште каде што се случи и експлозијата, се запали продавница од која се направи голем пожар.
