Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек 0,10% во однос на одлуката од 25.03.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 0,221%, кај дизелот 2,056%, кај екстра-лесното масло намалувањето е 2,473%, а кај мазутот зголемувањето е 1,402%.
Курсот на денарот во однос на доларот во изминатиот период по кој беа формирани цените со претходната пресметка е повисок 0,464%.
- моторен бензин Еуросупер БС-95 - 85,00 ден/л
- моторен бензин Еуросупер БС-98 - 87,50 ден/л
- дизел гориво Еуродизел БС (Д-Е V) - 76,00 ден/л
- масло за горење Екстра лесно 1 (ЕЛ-1) - 75,00 ден/л
- мазут М-1 НС - 45,459 ден/кг
Малопродажните цени на Еуродизелот (Д-Е V) и на екстра-лесното масло за домаќинство (ЕЛ-1) се намалуваат 1,00 денар/литар.
Малопродажната цена на бензинот Еуросупер БС-95 не се менува.
Малопродажната цена на бензинот Еуросупер БС-98 се зголемува за 0,50 ден/л.
Малопродажната цена на мазутот М-1 НС се зголемува 0,683 ден/кг и сега ќе изнесува 45,459 ден/кг.
„Напоменуваме дека ова се максималните цени на нафтените деривати од 0:01 часот на 02.04.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
