Наречен Ел Диаблито (Ѓаволчето), новиот играч на Сити уште не се проби во Ривер, а веќе направи голем трансфер.
Аргентинскиот гигант Ривер Плејт го продаде Клаудио Ечевери на Манчестер Сити за 18 милиони евра, а според договорот клубот од Буенос Аирес може да заработи дополнителни 9 милиони евра како бонус, пренесуваат светските медиуми.
Според тој договор, постојат две опции: талентираниот Аргентинец кој веќе го нарекуваат „новиот Меси“ да остане во Ривер Плејт до јуни или можеби дури и до крајот на 2024 година, а потоа би следела преселба во Европа.
Сепак, кое и да се реализира од овие две сценарија, ниту едно од нив не подразбира директно доаѓање во редовите на актуелниот освојувач на Лигата на шампионите.
Напротив, Ечевери прво би преминал во каталонската Жирона, каде би играл шест месеци или цела сезона, а доколку се покаже како добро решение во Ла Лига, Пеп Гуардиола би го повикал во Англија.
Договорот на младиот Аргентинец со Ривер истекува во јануари следната година, а тој јасно стави до знаење дека не сака да го продолжи и клубот практично беше принуден да го продаде нешто за да заработи од неговиот талент.
Во вторникот Ечевери наполни 18 години и истиот ден потпиша договор со најдобриот европски клуб кој долго време го следеше и скаутираше, а Манчестер Сити верува дека со овој потпис завршил исклучителна работа за иднината.
Покрај „Граѓаните“, за услугите на Ечевери беа заинтересирани и Реал Мадрид, Атлетико, ПСЖ, Јувентус, Милан и Бенфика, но Манчестер Сити беше најбрз и најконкретен, па талентираниот Аргентинец му вети лојалност на клубот од „Итихад“.
Ечевери летоска беше прекомандуван во првиот тим на Ривер и оттогаш запшиша само 6 настапи, не постиогна гол, а еднаш асистираше. За Аргентина има играно само за репрезентацијата до 17 години, а на У17 Мундијалот во номеври му даде хет-трик на Бразил во четврфиналето.
Од 2017 година е дел од Ривер, а претхдно настапувал за младинските категории на Депортиво Лухан. Го викаат Ел Диаблито (Ѓаволчето) по легендарниот боливиски голгетер Марко Ечевери, кој го носеше прекарот Ел Диабло (Ѓаволот), бидејќи двајцата споделуваат „ѓаволски“ дриблинг, темпо во ситуации еден на еден и моќен удар, како и сличното презиме (едниот е Echeverri, другиот Etcheverry).