Renault претстави нов адут во неправедно запоставениот сегмент на мултифункционални возила.
Станува збор за Kangoo, поточно Grand Kangoo, кој е базиран на најновата генерација на сестраниот Renault претставен во 2020 година. Тоа е едно од најпрактичните возила, а на многу луѓе кои не сакаат теренци и кросовери, овој модел би можел да им ги олесни секојдневните транспортни потреби.
Доволно е да се каже дека има три реда седишта, од кои сите се индивидуални, прилагодливи и лесно отстранливи. Корисниот волумен на товарниот простор затоа се движи од почетните 500 литри до 3750 литри, што го прави Kangoo рекордер во сегментот.
А за полесно влегување и излегување од возилата, како и маневрирање со товарот, од двете страни се поставени лизгачки врати долги 83 см. Во исто време, Renault го презентира интересниот факт дека, ако ја вклучите можноста за надолжно движење на секое седиште и регулација на седиштата, на располагање имате дури 1.024 конфигурации за склопување на седиштата.
Доволно е да се каже дека во овој автомобил можете да внесете предмети долги 3,11 метри, заедно со уште неколку патници.
Клиентите ќе можат да избираат помеѓу конвенционални погони, моќен бензински мотор од 130 КС и дизел од 95 КС. Во понудата е и електрична верзија со моќност од 122 КС (и 245 Nm), која со батерија од 45 kWh нуди автономија од 265 км.