Компанијата Firestorm Labs неодамна собра дури 12 милиони долари од инвеститори.
Во овој стартап инвестираат големи компании како Lockheed Martin, а целта им е да развијат евтини минијатурни фабрики за дронови за 3Д печатење кои би се користеле во воените зони.
Firestorm Labs, со седиште во Сан Диего, е основана откако инженерот Јан Муцеус го посети Киев среде војната, а основниот план е да се изградат фабрики за дронови кои ќе се вклопат во класичен контејнер за транспорт, за да можат да бидат поставени насекаде во светот.
Контејнерите за транспорт со беспилотни летала доаѓаат во две главни варијанти, со опции од 6 и 12,2 метри кои моментално се нудат. Firestorm Labs тврди дека овие фабрики треба да прават околу 50 дронови месечно.
Од компанијата додаваат дека тие можат да се постават каде било, а дека дури и целиот систем не мора да биде приклучен на електричната мрежа, односно да се снабдува со електрична енергија со помош на генератор.
Производот се вика Tempest (Бура). Има максимална тежина при полетување од 25 кг, може да носи товар од 4,5 кг и има распон на крилата од 2,1 метар.
Дронот може да се расклопува за лесен транспорт и има заменливи погонски системи за различни потреби, односно различни мисии.
Компанијата смета дека ова решение треба да им овозможи на корисниците брза и ефикасна воздушна поддршка директно до првите линии.