Новата година е веќе на прагот, па редно време е да размислите што ќе има на вашата празнична трпеза доколку сте се решиле да ја дочекате во вашиот допол дом.
Целта на поставувањето на богата новогодишна трпеза не е само да нѐ најаде, туку секое јадење треба да биде внимателно одбрано бидејќи со себе носи одредена симболика на среќа, напредок и благосостојба.
Покрај веќе традиционалната руска салата, свое место на трпезата треба да најдат и свинско печено месо, салата од зелка, како и торта, а на трпезата место треба да се најде и за риба и грозје. Еве и зошто:
Грозјето е пред сѐ симбол на здравје и сила, па затоа се препорачува да изедете точно 12 зрна грозје после полноќ, по едно за секој месец, за да бидете здрави секој месец во наредната година.
Бидејќи Божикните пости траат и за новогодишната ноќ, рибата треба да биде на вашата трпеза. Освен тоа, симболизира непречено движење, движење без пречки, па навестува лесна година во која сите важи работи глатко ќе „пливаат“.
Свинското месо е симбол на изобилство и богатство.
Поради својата зелена боја ја симболизира хармонијата на природата и среќата, како и долговечноста.
Поради самата структура, која содржи многу шеќер, тортата е симбол на сладост. Погрижете се вашата торта да биде што е можно побогата со состојки за да има што повеќе сладост во наредната година.
Она што никако не се препорачува на новогодишната трпеза е месо од пердувести животни, бидејќи тие имаат крилја, па ја симболизираат среќата што си заминува.