Меѓународниот медиумски бренд ја искористи својата мрежа уредници од целиот свет, а воедно и анкетираше околу 27.000 луѓе, за да ја намали листата на најдобри градови на планетава.
Беа земени предвид ноќниот живот, рестораните и културните настани на секој град, како и чувството за урбана заедница што е можеби поважно од кога било со оглед на COVID-19, пишува CNN.
Исто така, беа разгледани иницијативите на градовите за заштита на животната средина, нивната посветеност кон активизмот и општата пријателска наклонетост.
Time Out го избра Сан Франциско за најдобар град, поради неговиот одговор на пандемијата и поради една од највисоките стапки на вакцинација во САД. Дури и во услови на строго затворање, жителите на Сан Франциско најдоа начини да се поддржуваат едни со други.
На второ место на оваа листа се холандската метропола Амстердам, потоа градот во Северна Англија, Манчестер, данското велосипедско светилиште Копенхаген и културниот центар Њујорк ги заокружуваат првите пет на листата Time Out.
Списокот на Time Out со 10 најдобри градови:
- Сан Франциско, Калифорнија, САД
- Амстердам, Холандија
- Манчестер, Англија, Обединетото Кралство
- Копенхаген, Данска
- Њујорк, Њујорк, САД
- Монтреал, Квебек, Канада
- Прага, Чешка
- Тел Авив, Израел
- Порто, Португалија
- Токио, Јапонија
