Времето денеска ќе биде претежно облачно со повремен локален дожд со слаб интензитет.
Ќе дува умерен, а долж Повардарието повремено засилен ветер од југоисточен правец.
Минималната температура ќе биде во интервал од 4 до 9, а максималната ќе достигне од 7 до 12 Целзиусови степени.
Во Скопје времето ќе биде облачно со повремен слаб дожд. Ќе дува умерен, повремено засилен ветер од југоисточен правец. Минималната температура ќе се спушти до 6, а максималната ќе достигне до 10 степени.
Во наредните денови следува период на претежно облачно време со релативно високи утрински и дневни температури.
Утрово најстудено на Попова Шапка, најтопло во Гевгелија
Управата за хидрометеоролошки работи информира дека утрово најстудено со -1 степен е на Попова Шапка, а со измерени 9 целзиусови степени во Гевгелија.
Во Маврови Анови утрово до 8:30 часот температурата била 1 степен, 2 во Лазарополе, 3 во Берово и Крушево, 4 степени во Крива Паланка, 5 Скопје-Зајчев Рид и Прилеп, 6 степени се измерени до Скопје-Петровец, Тетово, Претор, Битола, Демир Капија и Виница, 7 степени во Охрид, Струмица и Куманово и 8 степени во Штип.
Висината на снежната покривка во 7 часот во Маврови Анови е еден сантиметар.
