„Од жена за жена!“ – рурална женска мартовска кампања

Скопје, 6 март 2021 (МИА) – Дури 84 отсто од жените во руралните средини велат дека КОВИД пандемијата имала негативен ефект врз нивниот живот и врз економската сигурност на семејното земјоделско стопанство, а 92 процента не користеле поддршка за надминување на последиците од кризата, покажува последното истражување на Рурална коалиција спроведено во периодот јануари – март 2021 година.

Рурална коалиција смета дека една од причините за ваквите бројки е што руралните жени не се препознаени од системот, односно се невработени, а сепак работат од 9 до 11 часа на нива или на фарма.

Според истражувањето, од 160 испитаници, мажи и жени од руралните средини, само 28 отсто се изјасниле дека се регистрирани како индивидуални земјоделци, од кои што само 15 се жени.

-Бидејќи и понатаму жените остануваат невидливи и се дел од неформалната економија, па не се препознаени ниту од системот ниту од државата, Рурална Коалиција во соработка со партнерските организации „Вредни Росомански Раце“, од Росоман и „Радика-Де“, од Дебар организираат промотивна кампања насловена „Од жена за жена“, а по повод март, месецот на жената. Со оваа кампања сакаме да испратиме силна порака од жените од руралните средини за нивната потреба од економско зајакнување во услови на пост-Ковид ситуација. Но, не само тогаш. Ако ние го имаме квалитетот, го имаме домашното производство, ја имаме храната произведена и преработена со рацете на овие жени, па тогаш нели е тоа доволно да станат видливи, но во исто време и економски силни?, наведува Рурална коалиција.

Кампањата ќе се реализира од 8 до 12 март во сите осум плански региони и со неа ќе се пренесе пораката дека родовата еднаквост и економската моќ на жената е потребна повеќе од кога било претходно. Ќе се купуваат, подаруваат и промовираат производи кои ги произвеле жените. Традиционалните производи од волна од реканскиот и дебарскиот крај ќе завршат во Струмица или во источниот дел на државата, а традиционалните росомански слатка, во краевите каде што прв пат ќе може да ги вкусат надалеку познатите „речели“ или слаткото од диви капини и шумски плодови.

-Жените едни на други ќе си подаруваат ама и ќе се запознаваат со традицијата на жените од другите региони. Преку постери и флаери ќе ја запознаеме пошироката јавност со традиционалните производи, со резултатите од истражувањето. На сограѓаните ќе им поделиме маски како потсетник дека и понатаму треба да останеме безбедни и да се грижиме за нашето здравје и за здравјето на тие околу нас. Оваа мартовска кампања нека биде посетник за сите нас дека жените од руралните средини се клучот за одржливоста на руралните средини и дека поддршката на секој од нас за нив е важна. Тоа е и единствениот пат како да се излезе од сенката на невидливоста, истакнува Рурална коалиција.

реклама

Ќе пукне ли? Русите распоредија војска, Америка испрати два воени брода

Read more

Се појави нов опасен тренд

Read more

Дали можете да пиете андол и аспирин откако сте примиле вакцина AstraZeneca?

Read more

Милијарда долари за да може Ever Given да излезе од Суецкиот Канал

Read more

Македонија

Обвинителството бара притвор за Мијалков: Тој е моќен човек

Read more

Поголем број на хоспитализации во текот на вчерашниот ден, ситуацијата е сериозна

Read more

Мијалков осуден на осум години затвор за „Трезор“

Read more

КОВИД состојба: 19.978 активни случаи и над 26 илјади вакцинирани граѓани

Read more
 

Вести

Хераклеја Линкестис си го добива назад Римскиот пат

Читај повеќе

Обвинителството бара притвор за Мијалков: Тој е моќен човек

Читај повеќе

Поголем број на хоспитализации во текот на вчерашниот ден, ситуацијата е сериозна

Читај повеќе

Мијалков осуден на осум години затвор за „Трезор“

Читај повеќе

Ќе пукне ли? Русите распоредија војска, Америка испрати два воени брода

Читај повеќе

Агент за недвижнини оштетил потенцијални купувачи за 32 илјади евра

Читај повеќе

Се појави нов опасен тренд

Читај повеќе

Никогаш немало толку многу кокаин во Европа како сега

Читај повеќе

Првпат во историјата жена е главен уредник на Reuters

Читај повеќе