Според ново истражување, Лос Анџелес има најдобри хотели, Брисел најдобри ресторани, додека најдобар град за одмор е Атина.
Во склоп на студија направена од сајтот money.co.uk, се истражувало кои градови се најдобри во светот кога станува збор за хотели, ресторани, вечерни излегувања и места вредни за посета.
На првото место се наоѓа Атина, каде 19,7% од хотелите, рестораните, ноќниот живот се високо оценети. Освен тоа, Атина е најдобро рангиран град според активности, а на второ место е по хотели и по ноќен живот.
По Атина следува Лисабон, втор град со највисоки оцени, а 40% од неговите атракции го добија ова признание од туристите. Градот е познат и по одличната храна и не е многу оддалечен од плажите.
На третото место е Фиренца, во срцето на италијанскиот регион Тоскана. Како дом на ренесансата, Фиренца изобилува со историја, уметност и архитектура.
Град со најдобро оценети хотели во светот е Лос Анџелес, 16,9% од хотелите во градот се оценети со 5 ѕвезди. Град со највисока оцена на ресторани е Брисел.
1. Атина, Грција
2. Лисабон, Португалија
3. Фиренца, Италија
4. Единбург, Велика Британија
5. Хонолулу, САД
6. Родос, Грција
7. Даблин, Ирска
8. Венеција, Италија
9. Прага, Чешка
10. Амстердам, Холандија.
