Жителите на Флорида ги вознемири појавата на голема огнена топка на небото која потоа и експлодира.
Американското метеорско друштво (АМС) потврди дека огнената топка била забележана над сојузната држава Флорида и дека се гледала и од соседната Џорџија. Тоа се случило синоќа околу 2 часот по полноќ, а 259 очевидци настанот го пријавиле во АМС.
Повеќето видеа прикажуваат огнена топка која се спушта под стрмен агол пред да експлодира во портокалов блесок и да исчезне во ноќното небо.
Точното потекло на објектот е засега непознато. Некои претпоставуваат дека би можело да се работи за 2021 GW4, вселенска карпа голема колку автомобил која требаше да мине измеѓу Земјата и Месечината - или можеби парче од неа кое се откинало.
Сепак, од Virtual Telescope Project во Европа тврдат дека GW4 минал покрај Земјата понеделникот утрината на навистина голема близина од околу 20.000 километри.
Астрономот Џонатан МекДауел од Харвард-Смитсонијан центарот за астрофизика вели дека огнената топка над Флорида „нема никаква врска со GW4“.
АМС ја следеше треакторијата на ова вселенско парче и соопшти дека експлозијата се случила над источниот брег на Флорида, така да остатоците најверојатно се некаде на дното на океанот.
