Истражувачи неодамна ги идентификувале сензорните неврони кои пренесуваат пораки од масното ткиво до мозокот.
Студијата објавена во списанието Nature покажа дека мозокот може директно да испраќа пораки до масното ткиво и да влијае на метаболичките процеси на телото.
Доктор Ли Је од Катедрата за хемија и хемиска биологија и вонреден професор по невронаука во Истражувачкиот институт Скрипс, кој е коавтор на студијата, верува дека откривањето на овие неврони за прв пат сугерира дека мозокот активно ги набљудува мастите, наместо само пасивно да прима пораки за тоа.
Предводени од тим од Истражувачкиот институт Скрипс, авторите Је и Ардем Патапутјан развиле два нови методи за проучување на врската помеѓу сензорните неврони и масното ткиво. Прво, тие користеле пристап наречен HYBRiD, кој го прави ткивото на глувчето транспарентно и им овозможил да ги следат патиштата на невроните низ масното ткиво.
За да видат како функционираат невроните во масното ткиво, истражувачите користеле друга нова техника, која ја нарекле ROOT. Ова им овозможило селективно да уништат мали делови од сензорни неврони во масното ткиво за да набљудуваат што се случува.
Преку овие експерименти, истражувачите откриле дека речиси половина од овие неврони не се поврзуваат со симпатичкиот нервен систем - мрежата на нерви што телото ја користи за одговорот „бори се или бегај“ - туку се поврзани со областа на мозокот од каде потекнуваат сите сензорни неврони, кои се одговорни за активирање и испраќање сигнали до остатокот од нервниот систем за информациите што ги добиле.
Кога комуникацијата со сензорните неврони била замолчена, симпатичкиот нервен систем почнал да ги претвора белите масни клетки во кафени, кои потоа би можеле да согоруваат калории преку процес наречен термогенеза. Така, дошло до забрзан процес на согорување на маснотии во телото.
Пред студијата, истражувачите веруваа дека нервите на маснотиите главно припаѓаат на симпатичкиот нервен систем и дека тие служат за согорување на маснотиите кога телото е под стрес или за време на вежбање. Информирани од резултатите од ова истражување, тие шпекулираат дека два спротивставени нервни сигнали можат да работат заедно со симпатичкиот нервен систем за согорување на маснотиите.
„Тимот сè уште не знае точно какви пораки сензорните неврони пренесуваат до мозокот од масното ткиво, само дека врските и комуникациите се клучни за одржување на здрави масти“, објасни тој.