Дали стенкањето секогаш има врска со тоа колку е добар сексот? Според истражување за сексуално однесување, спроведено од тим научници од Универзитетот Ланкашир, одговорот е дека нема.
Авторите на истражувањето заклучиле дека жените го употребуваат гласното стенкање за повеќе да го возбудат партнерот и да му поттикнат оргазам.
Во истражувањето учествувале жени на возраст од 18 до 48 години прашани за детали за нивното стенкање во текот на сексуален однос. Повеќето жени стенкаат за време на секс, но не нужно доживуваат оргазам. Наместо тоа, 66% признале дека стенкаат за да го забрзаат оргазмот кај партнерот, додека 87% тоа го прават за да се чувствуваат посекси и со поголема самодоверба.
„Додека женските оргазми најчесто се постигнуваат во текот на предигра, копулаторната вокализација е на највисоко ниво пред и истовремено со оргазмот на мажот“, заклучиле научниците.
Исто така, додаваат дека жените гласно стенкаат за да ја намалат „досадата“ во кревет.
„Не постојат многу истражувања на оваа тема, но секојдневно сме бомбардирани од медиумите со идејата дека стенкањето е поврзано со оргазмот и добриот секс“, вели Кристен Марк од Универзитетот во Индијана.
„Ако стенкате, на партнерот му давате до знаење дека е на добар пат, а очигледно е дека не прави сè како што треба. Затоа, треба да го 'користите' стенкањето и гласните звуци кога е нешто добро, а не кога сакате тој што побрзо да сврши“, советува таа.