Според последните информации, бројот на починати во нападот во Виена порасна на петмина починати, што значи дека настрадаа четири минувачи и еден напаѓач.
„Уште една жртва им подлегна на повредите по терористичкиот напад во Виена, така што бројот на починати порасна на 4“, изјави австрискиот министер за внатрешни работи Карл Нехамер за АPA.
Четвртата жртва е жена на возраст помеѓу 40 и 50 години која почина во една од виенските болници.
Уште седум други луѓе се борат за живот, пренесува АPA. Во повеќе болници во градот има 17 луѓе кои се тешко повредени, а 10 луѓе се во шок.
Сè уште не е познат точниот број на напаѓачи. Најмалку 1 од нив е во бегство.
1. Во нападот се убиени 4 луѓе и еден терорист. Жртви на нападот се случајни минувачи, двајца мажи и една жена. Тешко се ранети 17 лица, а меѓу ранетите луѓе е и еден полицаец.
2. Во тек е полициска акција и се трага по осомничените. Напаѓачот од Виена е идентификуван како Кујтим Фејзулаи, за кого министерот за внатрешни работи Карл Нехамер потврди дека минатата година бил осуден поради обид да се приклучи на Исламска држава. Станува збор за 20-годишно момче чии родители се Албанци од Македонија, имал двојно државјанство и им бил познат на полициските органи од претходно.
Читајте следно: Австрискиот МВР потврди дека напаѓачот во Виена потекнувал од Северна Македонија
3. Нападот се случи на шест локации во градот, а сè уште не е познат точниот број на напаѓачи.
Полицијата изврши претрес на домовите на терористите и приведе лица за кои се сомнева дека се поврзани со синоќешниот напад.
Не е јасно за колку напаѓачи станува збор, приведени се уште 12 луѓе и во тек е претрес на становите на осомничените.
4. Курц изјави дека станува збор за планиран напад. Полицијата доби 20.000 снимки од нападите, а ги молат граѓаните да останат дома. Затворени се и училиштата.
Како што пишува австриски Heute.at, осомничениот го набавил оружјето во Словачка. Тој во средината на јули отпатувал во Словачка со еден пријател. Патувале со автомобил кој припаѓа на мајката на еден од осомничените од Косово. Засега се уапсени 12 лица на возраст од 16 и 25 години. Еден од уапсените е роден во Косово. 10 од нив се уапсени во Виена, а двајца во Санкт Пелтен.
