Пеп Гвардиола го именуваше човекот за кој верува дека треба да биде негов наследник на позицијата менаџер во Манчестер Сити.
Каталонскиот тренер беше импресиониран од нерешениот резултат 1:1 на Брајтон на стадионот Амекс минатата сезона, а по тој натпревар Гвардиола му кажа на стручниот штаб дека Роберто Де Зерби треба да биде негов наследник на Етихад, пренесува The Telegraph.
„Тој е следниот менаџер на Манчестер Сити“, изјави Гвардиола, чиј договор е до 2025 година.
Де Зерби (44), пак, доби многу пофалби откако го презеде Брајтон минатата сезона.
Италијанскиот тактичар на тој начин би можел да го замени Гвардиола кога Шпанецот ќе ги напушти „сините“.
Гвардиола, кој често се смета за еден од најголемите во неговата генерација, беше отворен за своето позитивно мислење за Де Зерби во текот на целата сезона.
Тој дури отиде дотаму што сугерираше дека Италијанецот е еден од највлијателните тактичари во последните две децении.
