Неверството е една од работите кои можат да наштетат на врската или целосно да ја уништат. Но, освен неверството, постојат и други проблеми кои ја нарушуваат хармонијата во еден брак.
Одвоивме пет проблеми кои можат сериозно да ги нарушат односите во врските:
1. Лажење и криење работи од партнерот
Дури и ако го лажете партнерот за да ги заштитите неговите емоции, криењето проблеми може да резултира со губење на довербата. Ако криете детали бидејќи мислите дека можат да повредат некого, треба да престанете со ваквото однесување.
2. Без нежности и внимание
Недостигот на нежност ќе создаде сомнеж кај другата страна дека нешто е погрешно. Со текот на времето тој сомнеж ќе се претвори во голем проблем кој исто како лажењето ќе доведе до недостиг на доверба.
3. Одбивање компромис
Силниот став за некоја тема може да биде знак на одлучен карактер, но до проблеми доаѓа кога едниот партнер одбива да ги слушне аргументите и желбите на другата страна, па не сака да се согласи на компромис.
4. Надменост
Надмениот став од една страна покажува дека целта на поединецот е да биде во помоќна положба, што никако не е знак на здрава заедница на рамноправни партнери. Не само што таквото однесување ја уништува самодовербата туку и разоткрива чувство на помала вредност кај лицето кое користи покровителски тон.
5. Во врска од погрешни причини
Сакате да раскинете, но не се осмелувате да го сторите тоа? Загрижени сте што ќе кажат другите? Сметате дека лоша врска е подобра од никаква? Без оглед на причината, не е фер ниту кон вас ниту кон партнерот да останете во врска која не ви одговара.