Серискиот убиец Зодијак, кој во 60-тите години на минатиот век го тероризираше подрачјето на Сан Франциско, конечно е идентификуван по 52 години, пишуваат американските медиуми.
Истражители на застарени случаи откриле дека Гери Френсис Пост, кој починал пред 3 години, е озогласениот Зодијак одговорен за најмалку 5 убиства во периодот меѓу 1968 и 1969 година.
Исто така тврдат дека го поврзале Пост со шесто убиство кое никогаш претходно не било доведено во врска со Зодијак, пишува Sky News.
Случајот од 2004 година се сметаше за неактивен, но полициската управа во Сан Франциско повторно го отовори во 2007 година.
Во текот на неговата „кариера“ Зодијак им се потсмеваше на полицајците преку писма кои ги испраќаше во локалните весници. Неговите писма содржеа шифри за кои се тврдеше дека го кријат неговиот идентитет, доколку некој може да ги декодира.
Се верува дека сам си го дал прекарот Зодијак, со тоа име го потпиша четвртото писмо до новинарите на 7 август 1969 година. Во друго писмо тврдеше дека убил 37 луѓе, но официјално му беа припишани 5 убиства и два обида за убиство.
Теоријата за идентитетот делумно се основа на сличноста на Пост со полициска скица од убиецот од 1969. Како една од клучните сличности се наведуваат лузните на телото.
