Со секој од петте ексклузивни апартмани во еден облакодер во Њујорк, инвеститорот подарува и еден луксузен SUV Aston Martin DBX.
Освен нивната исклучителна локација на Менхетен, споменатите апартмани се специфични по уште еден детаљ.
За нивниот ентериер беа задолжени британскиот производител на луксузни спортски автомобили Aston Martin и британскиот архитект Дејвид Аџаје.
Како резултат на оваа соработка, со пет апартмани лоцирани на 59. и 60. кат од зградата 130 William, бесплатно беше обезбедена специјална верзија на теренецот Aston Martin DBX 130 William Adjaye Special Edition, чиј ентериер го збогати архитектот.
Ако сте се запрашале колку чинат овие станови кога на инвеститорот му се исплаќа да им даде на клиентите автомобил вреден околу 200.000 американски долари, ќе кажеме дека најевтиниот има цена од скоро 4 милиони долари, додека најскапиот - еден од двата пентхауси - се продава за цели 11,5 милиони долари.
