Газдата на Челси, Тод Бејли, не го издржа притисокот од страна на поголемиот дел од својот борд предводен од директорот Лоренс Стрјуарт и Пол Винсти, па одлучи синоќа да го смени менаџерот Грем Потер и призна дека во овој момент тој веројатно не е вистинскиот стручњак за оваа кадровска политика на која се одлучи.
Светските емдиуми веќе некое време како шпекулираат околу новиот менаџер на лондонските „Сини“, а Фабрицио Романо, кој е секогаш доста добро информиран, истакнува дека Јулиан Нагелсман е главниот кандидат. Поранешниот тренер на Баерн претходно со Хофенхајм и со Лајциг имаше одлични резултати по пат пропагирајќи и млади играчи, а со оглед што слична композиција на тимот има и Челси, веројатно најбрзо би се адаптирал на моменталната ситуација. Поради тоа тој е на пол позицијата, што се однесува до Бејли, но проблем е што тука се прашува и Баерн кој се договори на Нагелсман да му плаќа месечна компензација поради отказот што му го врачи пред истекот на договорот.
Маурисио Почетино се поврзуваше со Тотенхем, а во последно време и со Реал Мадрид, но секако е тренер што високо котира на теренерската берза и Челси во има предвид. Прашањето е дали тој во има Челси предвид со оглед на тоа што не е тренерски карактер што многу сака да работи со млади играчи.
Поранешниот селектор на Шпанија, Луис Енрике, пред неколку дена изјави дека има намера да работи во Премиер лигата, па медиумите и него го вметнаа во оваа листа, слично како и актуелниот тренер на лисабонски Спортинг, Рубен Аморим, кој е предлог на дел од бордот.
На списокот на англиските медиуми се наоѓа и Зинедин Зидан, па дури и Антонио Конте, поранешниот тренер на Тотенхем кој веќе има работено на Стемфорд Бриџ, но под Роман Абрамович.
Во секој случај Челси веќе утре го чека дуел со Ливерпул. Станува збор за одложен натпревар од осмото коло. Утре екипата од клупата ќе ја води Бруно Салтор, кој е назначен за в.д. тренер.