Сателитски снимки покажуваат дека поплавите во Северна Кореја можно е да предизвикале штета на цревата за испумпување вода од најголемите нуклеарни постројки во земјата.
Ова го соопшти американската истражувачка организација 38 North чии аналитичари ја набљудуваат Северна Кореја. Тие истакнуваат дека сателитските снимки од периодот од 6 до 11 август покажуваат колку се разладните системи на нуклеарниот реактор во истражувачкиот центар Yongbyon неотпорни на лоши временски услови.
Корејскиот Полуостров го зафати еден од најдолгите врнежливи периоди во поновата историја, а поплавите и лизгањето на земјиштето предизвикаа штета и смртни случаи и во Северна и во Јужна Кореја.
Истражувачкиот центар Yongbyon се наоѓа на брегот на реката Курбјонг, на околу 100 километри северно од Пјонгјанг. Таму се наоѓаат нуклеарни реактори, фабрика за преработка на гориво и за збогатување ураниум.
Во извештајот на 38 North се истакнува дека сѐ укажува на тоа дека реакторот со моќност од 5MW за кој се верува дека произведувал збогатен ураниум, не работи веќе некое време, а дека не е во функција ни „експерименталниот реактор за лесна вода“. Аналитичарите сметаат дека поради поплавите реакторот најверојатно ќе биде целосно исклучен.
„Штетата на пумпите и испумпувањето во складиштето претставуваат најголему закани за реакторите. Ако реакторите работат и не може да се разладат, тогаш мора да се исклучат“, стои во извештајот.
Севернокорејските медиуми не спомнуваат никаква штета на реакторите, а изминатава недела објавија дека лидерите ги посетиле подрачјата загрозени од поплавите.
Јужнокорејското Министерство за одбрана одби да го коментира извештајот на американската организација, но наведе дека секогаш ги следи настаните поврзани со севернокорејските ракетни и нуклеарни програми, како и дека одржува тесна соработка со американската државна администрација.
