Поранешниот агент на ЦИА, Дејвид Груш, сведочеше под заклетва пред комитетот на американскиот Конгрес дека на местата на инциденти со неидентификувани летечки објекти (НЛО) е пронајдена биотехнологија што не е човечка.
На првата јавна дискусија за постоењето на НЛО и контактите со нив, Груш нагласи дека тој, како и другите вработени во ЦИА, се сретнал со НЛО, но дека не може подетално да зборува за тоа во отворени дискусии.
Груш тврди дека американските власти ги добиле вселенските бродови од вонземско потекло како дел од тајна воена програма.
Тој изјави дека знаел за тајни програми кои вклучуваат вонземска технологија, која на многу начини е супериорна во однос на американските способности.
Како што пренесуваат агенциите, покрај него биле сослушани и поранешниот адмирал Дејвид Фрејвор и пензионираниот воен пилот Рајан Грејвс.
Според Грејвс, за време на вежба во близина на границата на американската сојузна држава Вирџинија во 2014 година, наишол на неидентификуван темен објект со проѕирна топка.
Грејвс забележува дека повеќе од 30 луѓе во неговата група забележале сличен феномен.
Тој тврди дека американската влада подготвува одмазднички мерки против Груш и неговите колеги затоа што ја кажале вистината за НЛО.