Поранешниот играч на Реал Мадрид, Оскар Мињамбрес, не можеше да си обезбеди егзистенција пред да му заврши кариерата, па сега мора да најде начини да го прехрани семејството.
Откри дека продава тутун за да преживее и дека не ја сака работата што ја работи, но дека е принуден да го прехранува семејството.
„Морам сам да се грижам за семејството, тоа е најважно. Никогаш не сум бил пушач, не ми се допаѓа работата што ја работам, но тоа е тоа“, рече Мињамбрес и додаде:
„Ова не е исполнување на мојот сон, но фудбалот не е сѐ во животот. Жалам што кариерата ми заврши прерано бидејќи имав чувство дека можев да играм долго време“.
Сега 43-годишниот фудбалер порано беше голема надеж на Реал, кој помина низ младинската академија на „Кралевите“ и играше во ерата на Галактикос со Роналдо, Зинедин Зидан, Луиш Фигу, Дејвид Бекам и Роберто Карлос. Играше како десен бек, но и во средниот ред.
Потпиша петгодишен договор со Реал, но не успеа да оствари направи кариера, иако со кралскиот клуб освои 3 трофеи (Ла Лига, Лига на шампиони и Интерконтиненталниот куп).
За „Лос Бланкос“ забележа вкупно 18 настапи, а беше и репрезентативец на Шпанија до 21 година со 11 настапи. Откако се мачеше со повреди Реал не му понуди продолжување на договорот, па на 8 август 2007 година потпиша за второлигашот Еркулес. Но, веќе наредниот ден го раскина договорот одлучувајќи да се пензионира на 26-годишна возраст сметајќи дека коленото не му е доволно опоравено.