Со пари не може да купиме среќа, но можеме со вежбање. Научници од Универзитетите Јејл и Оксфорд докажаа дека редовното вежбање може да нè направи навистина среќни и психички силни.
Резултатите од нивната студија се објавени во списанието The Lancet Psychiatry. Луѓето кои редовно вежбале имале 18 лоши денови (се однесува на денови во кои се чувствувале психички лошо) помалку во годината од оние кои воопшто не вежбале.
Исто така, оние кои вежбале се чувствувале еднакво добро како и оние не вежбаат, но заработуваат повеќе од 25.000 долари годишно.
„Разликата во психичкото здравје на поединците кои учествуваат во колективни спортови и оние кои воопшто не вежбаат е иста како и разликата во задоволството што ја предизвикуваат 25.000 долари годишно, меѓу оние кои ги имаат тие пари и ги немаат“, објаснува водачот на студијата Сами Р. Чекроуд од Оксфорд.
Вежбањето одамна се поврзува со намален ризик од кардиоваскуларни болести, срцев удар и дијабетес, но дури во последно време почна да се поврзува со придобивките за психичкото здравје.
За да дојдат до ова откритие, научниците проучувале податоци собрани од повеќе од милион возрасни луѓе. Дошле до заклучок дека кој било вид физичка активност – од грижа за деца, домашни обврски, одење во теретана, пешачење или возење велосипед позитивно влијае на менталното здравје.
Тимските спортови се уште поефективни. Доволно е да вежбате три пати неделни по 45 минути за да имате одлични резултати.
