Пилешко месо во бел сос оди во комбинација со тестенини или ориз.
Потребни состојки за 4 лица:
-400 г пилешко бело месо
-помала главица кромид
-1 свежа пиперка
-1 морков
-1 лажичка сува коприва
-1 лажица магдонос
-бибер
-2 дл павлака за готвење
Начин на подготовка:
Исечете ги на коцки пилешкото месо, кромидот, пиперката и морковот. Првин испржете го кромидот, па потоа додадете ја пиперката и уште малку пржете па додадете го месото.
Кога месото ќе добие убава боја додадете ги биберот, магдоносот, морковот, сувата коприва и залејте со малку вода. Оставете да се вари додека месото не омекне.
Кога ќе омекне додадете ја павлаката за готвење, па нека се вари додека сосот се згусти. Може да го послужите оброкот во комбинација со тестенини или ориз, по желба.
