Луѓето кои се склони на прекумерно потење, а за тоа немаат посебна здравствена причина, многу тешко ги поднесуваат високите летни температури.
Германски експерти имаат неколку совети кои ќе помогнат да се намали засилената работа на потните жлезди, без притоа да користите антиперспиранти.
Еден од начините е консумација на помала количина црвено месо во текот на летните месеци. Експертите предупредуваат и дека некои вегански и вегетаријански алтернативи, како производи од соја или мешунки, исто така можат да влијаат на зголеменото лачење пот од потните жлезди, бидејќи исто како црвеното месо, содржат хемиски соединенија познати како пурини.
Тоа се органски компоненти присутни во секоја намирница. Постојано се произведуваат во организмот и се важна компонента, но одредена храна е особено богата со овие состојки како на пример школки и ракчиња, зелка, спанаќ и слично.
Друг природен начин на намалено излачување пот е воздржување од консумирање на кофеин, алкохол, зачинета храна и никотин.
Потењето е природна реакција на телото, како и систем на ладење. Потта сама по себе нема мирис, туку мирисот се создава како реакција на бактериите кои живеат на кожата. Колку повеќе се води сметка за личната хигиена, бактерии ќе има помалку, па и мирисот ќе исчезне.
Местата на кои потта не успева брзо да испари даваат топло и влажно опкружување, а тоа е погодно за бактериите кои се хранат со хемикалии од потта. Секојдневното туширање ќе го намали размножувањето на бактериите на кожата.
Дезодорансите го прикриваат мирисот на телото, но не го намалуваат потењето, ниту размножувањето на бактериите.
Германските лекари сметаат дека на некои луѓе доста им помага примена на пудра за тело која го впива вишокот влажност, па се препорачува за користење на подрачја кои помалку се потат.