Времето денеска ќе биде променливо облачно со повремени врнежи од дожд.
Врнежите ќе бидат пообилни во источните делови со услови за појава на ретки грмежи.
Ќе дува слаб до умерен ветер од југозападен правец.
Минималната температура ќе биде во интервал од 4 до 9, а максималната ќе достигне од 9 до 16°C.
Во Скопје претпладне променливо облачно со сончеви периоди, попладне со повремен дожд. Минималната температура ќе се спушти до 6, а максималната ќе достигне до 14°C.
Под влијание на влажен бран и утре ќе се задржи променливо облачно време со повремени врнежи од дожд и услови за изолирана појава на ретки грмежи. Локален слаб дожд ќе има и во вторник, а потоа следува период на стабилно време.
Сообраќајот на државните патишта се одвива тековно во зимски услови, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
