Репрезентацијата на Англија во четвртфиналето потклекна од Светското првенство во Катар со поразот од Франција со 2:1, но голем дел од нејзините играчи оставија одличен впечаток, што само ги подгреа гласините за трансфери во најголемите и најбогатите клубови.
Така различни медиуми пишуваат дека ПСЖ е многу заинтересиран да доведе две млади ѕвезди од англиската репрезентација.
Парижаните, пишува El Nacional, се подготвени да платат 120 милиони евра, колку што бара Борусија Дортмунд за Џуд Белингам. 19-годишниот играч за врска е еден од најбараните играчи на светскиот пазар, а за интересот на Ливерпул и Реал Мадрид веќе подолго време се пишува. ПСЖ може да му понуди најголема плата, но прашање е дали парите ќе бидат главен критериум на Белингем при изборот на нов клуб.
Колку парижаните не се грижат за штедење на платите покажува и гласината на англиски Mirror, според која катарските сопственици се спремни на Маркус Рашфорд да му дадат неделна плата од 850.000 фунти или речиси еден милион евра. Договорот на 25-годишниот напаѓач со Манчестер Јунајтед истекува следното лето, а ПСЖ верува дека никој друг нема да му понуди толку пари.
