Претседателот на Русија, Владимир Путин, го одобри усвојувањето на измените на законот за претседателски избори во земјата, се наведува во текстот на указот објавен на официјалниот портал за правни информации.
Амандманите предвидуваат забрана за кампања за сите блокирани ресурси, а документот содржи и низа појаснувања, меѓу другото, во однос на работата на медиумите.
Конкретно, на состаноците на изборната комисија можат да присуствуваат само претставници на медиумите кои работат со договор за вработување, а воведени се и ограничувања за фотографирање и снимање на избирачките места во воените објекти, пренесе ТАСС.
Дополнително, гласањето во руските региони под воена состојба е можно врз основа на резултатите од консултациите на руската Централна изборна комисија со Министерството за одбрана на Русија, Федералната служба за безбедност (ФСБ) и гувернерот на соодветниот регион, според медиумот.
