Индија би можела да стане трета по големина економија во светот до 2027 година со БДП од 5 трилиони долари, објави Министерството за финансии на оваа земја.
Во моментов, Индија е петта по големина економија во светот, зад Соединетите Американски Држави, Кина, Јапонија и Германија.
Фискалната 2024 година во Индија започнува на 1 април 2023 година и завршува на 31 март оваа година, а Министерството за финансии на Индија очекува економски раст од 7% на годишно ниво, па дури и над 7% во овој период, пренесува CNBC.
Доколку оваа прогноза се оствари, тоа ќе биде трета фискална година по ред за Индија со економски раст од 7%.
„Силата на домашната побарувачка, односно приватната потрошувачка и инвестиции, се последица на реформите и мерките спроведени од Владата на Индија во последните десет години“, рече главниот економски советник на Индија, Венкатраманан Ананта Нагесваран.
Тој очекува дека економскиот раст на Индија нема да запре ниту во следната фискална година и дека повторно ќе изнесува околу 7%.