Кристијано Роналдо моментално не е баш во најдобра форма со оглед на тоа што бележи најдолга низа без постигнат гол.
Во натпреварот против Барнли синоќа Португалецот не им помогна на Црвените ѓаволи да дојдат до победа бидејќи мечот заврши со резултат од 1 : 1.
Тоа за Роналдо беше петтиот последователен меч на кој не постигна ниту еден гол. Така ја забележа најдолгата низа натпревари без постигнат гол уште од сезоната 2009/2010 во дресот на Реал Мадрид.
Навивачите на Манчестер јунајтед му замерија на однесувањето по свирежот на судијата. Обичај е фудбалерите да застанат пред навивачите по натпреварот, без оглед на исходот, а оваа сезона Роналдо тоа не го прави.
Штом судијата Мајк Дин означи крај, Роналдо истрча сам во соблекувалната, додека останатите фудбалери на Јунајтед застанаа пред навивачите кои допатуваа на гостување.
И претходно Роналдо се соочи со негативни коментари поради овој потег, а истите продолжија и по натпреварот со Барнли.