Renault ја претставува ограничената серија на Megane R.S славејќи ја богатата историја на францускиот компактен спортдски модел. Колекционерскиот модел е круна на сагата која почна во 2003 година.
Renault Megane R.S. Ultime e најновиот модел на Megane R.S. серијата и најновиот модел со логото Renault Sport чија историја е полна тркачки трофеи и легендарни модели, а го подигнува на нови височини со својот уникатен дизајн и темелно сеопфатната палета на опрема. Ќе пристигне на пролет годинава во серија од 1.976 нумерирани примероци (Renault Sport e основан во 1976 година).
Го движи четирицилиндарски турбо мотор со зафатнина од 1,8 литри со 300 КС и 420 Nm, со 6-брзински EDC менувач и Torsen механички диференцијал кој го забрзува автомобилот до 100 км/ч за само 5,7 секунди.
Во внатрешноста се присутни Recaro седишта од титан црна алкантра. Праговите на вратите се ексклузивни и секој автомобил има своја сопствена нумерирана метална плочка во близина на контролите на менувачот, на дното од конзолата. Стандардната опрема опфаќа 9,3 инчен навигациски дисплеј со Bose Hi-Fi систем, 10-инчен дигитален кластер, R.S. Монитор со вградена телеметрија, прилагодлив темпомат и помош при маневрирање од 360°.
