По спектакуларниот настап ноќеска на Супербоул, корисниците на социјалните мрежи не престануваат да пишуваат за изгледот на Ријана.
Светската музичка ѕвезда Ријана ноќеска воодушеви со својот настап за време на полувремето на 57. Супербоул, каде за помалку од 14 минути ги претстави некои од своите најголеми хитови и со тоа покажа дека сѐ уште е една од најпопуларните ѕвезди, иако долги години помина од објавувањето на нејзината последна песна.
„Каде беше“, „Ријана има толку многу одлични песни“, „Неверојатен настап“, „Целата листа на песни е совршена“, „Сјае како дијамант“, „Многу почит за настапот на Ријана вечерва“, беа само некои од коментарите.
Откако во септември беше објавено дека Ријана ќе настапи на Супербоул, корисниците на социјалните мрежи напишаа дека едвај го чекаат нејзиниот настап, бидејќи многумина очекуваа таа да ја сподели веста за тоа кога ќе почне да работи на нова музика и дали наскоро ќе направи турнеја.
Сепак, пејачката изненади многумина со својот изглед, бидејќи пред почетокот на настапот откри дека повторно е бремена, откако во мај го роди своето прво дете.
Многу корисници на социјалните мрежи не ја видоа оваа вест, па откако го погледнаа нејзиниот настап, претпоставија дека е бремена и заклучија дека пејачката некое време нема да има нови песни и настапи.
