Возачот во Формула 1 Даниел Рикардо порача денеска дека ќе остане во тимот на Мекларен до крајот на договорот.
Шефот на Мекларен, Зак Браун, изјави неодамна дека Рикардо не ги оправдал очекувањата што ги подгреа шпекулациите дека ќе го напушти британскиот тим.
Австралискиот возач, меѓутоа, ги демантираше гласините.
„Имаше доста шпекулации околу мојата иднина во Формула, но сакам тоа да го слушнете од мене. Посветен сум на Мекларен до крајот на следната година и нема да го напуштам овој спорт. Честопати не е лесно, но кој сака да биде лесно?“, објави Рикардо на својот Twitter профил.
