Деновиве на социјалните мрежи кружи видеоснимка од 90-тите на која фудбалската легенда Роберто Карлос ги обвинува навивачите на Барселона дека му упатувале расистички навреди додека тој играше за Реал Мадрид.
На снимката јасно се слушаат мајмунски крици и извици „Моно, моно“ што на шпански значи „мајмун“.
Карлос потоа сам раскажува како се чувствувал кога настапувал на Камп Ноу.
„Кога играме во гости кај Барселона, нејзините навивачи ми викаат ‘мајмуне’ секогаш кога ќе примам топка. Тоа е единствениот стадион на кој сум доживеал таков расизам“, вели тој.
Тогашниот капитен на Барса, Пеп Гуардиола, излезе со изјава што воопшто не му даде утеха.
„Роберто Карлос многу зборува и воопшто не ги познава навивачите на Барселона.“
Интересно е што токму Гуардиола сега ја коментираше актуелната ситуација со протестите против расизмот и се „покаја“.
„Се срамам и се каам, непријатно ми е поради сѐ што белците им правеле на црнците. Како некој може да мисли дека е подобар од оној кој е роден со црна боја на кожата?“, изјави актуелниот менаџер на Манчестер Сити.