Робот во Јужна Кореја згмечил човек до смрт, затоа што го помешал со кутиите со храна со чиј пренос управувал, јавуваат локалните медиуми, а денеска јавува BBC. Инцидентот се случил кога вработен во компанија за роботика, на возраст од околу 40 години, го проверувал функционирањето на роботот.
Роботската рака, која го помешала човекот со кутија зеленчук, го зграпчила и го закачила на подвижната лента, згмечувајќи му го лицето и градите, пренесува јужнокорејската новинска агенција 연합뉴스.
Жртвата, која работела за производител на роботски раце, била пренесена во болница, но подоцна починала.
Според 연합뉴스, роботот се користел за кревање кутии со пиперки и нивно пренесување на палети.
Починатиот ја проверувал исправноста на сензорите на роботот пред да ја тестира машината во фабриката за сортирање пиперки, што било закажано за 8 ноември, односно денеска, соопшти полицијата, а пренесува 연합뉴스.
Тестот првично бил закажан за 6 ноември, но бил одложен за два дена поради проблеми со сензорот на роботот.
Работникот го направил тестирањето доцна во ноќта.
Во март годинава, маж од Јужна Кореја беше тешко повреден од робот во фабрика за автоделови.
