Официјална Москва вели дека меѓународното право ја поддржува позицијата на Србија во случајот со отцепената покраина.
„Москва е алармирана од растечките тензии на Косово, за кои се виновни „радикалните“ етнички албански власти во отцепената српска покраина и нивните западни спонзори“, изјави синоќа Марија Захарова, портпаролка на руското Министерство за надворешни работи.
„Властите во Приштина презедоа серија провокации со одобрение на САД и ЕУ, користејќи етнички поттикнато насилство за да ги таргетираат преостанатите Срби во покраината“, додаде таа.
Премиерот Албин Курти се обидува да го оттргне вниманието од неупешната домашна политика со тоа што „си игра со оган, спинувајќи србофонска хистерија“ и ескалирајќи ги тензиите „доближувајќи се до вооружен конфликт“, рече Захарова. Само трпението на локалните срби и властите во Белград превенираат работите да се втурнат во отворено насилство, додаде.
„Се солидаризираме со властите на Србија“, рече Захарова, поддржувајќи ја позицијата на Белгртад дека косовските Албанци и Западот „цинички ги игнорираат фундаменталните договори од Брисел и Вашингтон и Резолуцијата 1244 на Советот за безбедност на ОН“.
Резолуцијата на ОН овозможи присуство на НАТО во провинцијата по бомбардирањето во 1999 година на тогашна Југославија, додека договорот од Брисел од 2013 година предвидува автономија за преостанатите етнички Срби.
Резолуцијата 1244 на ОН јасно ѝ дозволува на Србија да испрати свои сили во провинцијата, и „дури ни апологетите на 'владеењето базирано на правила' не можат да го негираат ова“, додаде Захарова. Таа особено ја напомена неодамнешната изјава на германската министерка за надворешни работи, Аналена Баербок, каде вели дека такво распоредување на воена сила е „апсолутно неприфатливо“, што Србија го оцени како „апсурдно“.
„Наместо да ги притиснат етничките Албанци да се придржуваат до потпишаните договори, САД и ЕУ бесрамно го саботираат Бриселскиот договор, истовремено преферирајќи злобна практика на булинг со обвинување на косовските Срби“, додаде таа.
„Ќе продолжиме да му помагаме на Белград да ги брани легитимните национални интересик во врска со Косови базирани на Резоилуцијата 1244 на ОН, која останува во сила без исклучоци“, категорично изјави Захарова.
Минатиот месец, Брисел и Вашингтопн не успеаја да ја убедат Приштина да го напушти својот план за прогласување на српските регистерски таблички за нелегални. Наводниот мир траеше нецели две недели, па етничката албанска полиција ги распореди своите сили во населените места со српско мнозинство, вознемирувајќи дури и градинка и фамилијарна винарија.
